പുത്തന്‍ കുപ്പായം...(ചെറു കഥ)

എന്ന് എന്റെ പിറന്നാള്‍ ആണ്...ഞാന്‍ വളരെ സന്തോഷവാനായി.എന്ന് അമ്മ വീട്ടില്‍ പായസം വെക്കും...അമ്മ ഇന്നലെ പുതിയ കുപ്പായം മേടിച്ചു ..എന്ന് കുളിച്ചു അതൊക്കെ ഇട്ടു രാവിലെ തന്നെ സ്കൂളില്‍ പോകണം.രാവിലെ എണീറ്റ്‌ അമ്മ മുട്ടായി തന്നു.പായസം മുറ്റത്ത്‌ ചാണകം മെഴുകിയ തറയില്‍ അടുപ്പുകൂട്ടി കലത്തില്‍ അതില്‍ ഇരിക്കുന്നു.കുളിച്ചു വന്നു പ്രാര്‍ത്ഥിച്ചു അമ്പലത്തിലെ ചന്ദനം അമ്മ തൊടീച്ചു ..പായസം കഴിച്ചു...പുത്തന്‍കുപ്പായോം ഇട്ടു സ്കൂളില്‍ ..രണ്ടാം ക്ലാസ്സുരന്റെ അടക്കാനാവാത്ത സന്തോഷം..കൂട്ട് കരോട് പറഞ്ഞു " ഇന്നു എന്റെ പിറന്നാള്‍ ആണ്... ഇതു കണ്ടോ എന്‍റെപുതിയ കുപ്പായം അമ്മ മേടിച്ചു തന്നതാ" സന്തോഷം ..കൂട്ടുകാര്‍ ചുറ്റിനും കൂടി,,തൊട്ടു നോക്കി. "നല്ല ചന്തം "കൂട്ടത്തില്‍ ഒരുവന്‍ പറഞ്ഞു.കുഞ്ഞുമനസ്സിലെ ആ സന്തോഷം ആ കണ്ണുകളില്‍ തിളങ്ങി..കൂട്ടത്തില്‍ മറ്റൊരുവന്‍ .വിളിച്ചു പറഞ്ഞു .."ദേ ഇതു അപ്പുറത്തെ ക്ലാസ്സിലെ രാജേഷിന്റെ കുപ്പായം ആണ്" എല്ലാപേരും ചിരിച്ചു..ഇളംകണ്ണുകള്‍ കുറുകിയോ..? നീര്‍ത്തുള്ളികള്‍ നിറഞ്ഞുവോ ..?.നിഷ്കളങ്കതയുടെ ആ നീര്‍ തുള്ളികള്‍ക്ക് ഏറെ നേരം ആ കുഞ്ഞു കണ്ണുകളില്‍ നിറഞ്ഞു നില്ക്കാന്‍ കഴിഞ്ഞില്ല ധാരയായി താഴേക്ക്‌ വീണു..

ആ രാജേഷിന്റെ വീട്ടില്‍ ആണ് അമ്മ ജോലിക്ക് പോകുന്നെ...അപ്പൊ ...?

മനസ്സില്‍ തന്റെ ദാരിദ്ര്യം ഓര്‍ത്തു....എന്നും കഴിക്കുന്ന ഉച്ചയൂണും , അത്താഴവും രാജേഷിന്റെ വീട്ടില്‍ ഉള്ളതെന്ന് ഇവര്‍ക്ക് അറിയില്ലാലോ...മനസ് ചിരിച്ചു...ഞാനും ചിരിച്ചു...കരയാന്‍ പഠിച്ചൊര ആ കുഞ്ഞുമനസ്സ് വീണ്ടും കരയാന്‍ മടിച്ചു....