അഭിസാരിക ...

നിശാചരന്മാർക്കു പങ്കു-

വെക്കുവാനെന്നിൽ ശേഷിക്കുന്നത്

എല്ലിൻകഷ്ണങ്ങളിൽ ഒട്ടിയ 

തോലും മാംസവും മാത്രം ...

വിയർപ്പുണങ്ങാത്ത എന്റെ 

ശരീരത്തിൽ ആഴ്ന്നിറങ്ങുന്ന

നിമിഷ പ്രണയങ്ങൾക്കു 

നല്കാൻ വാടിയ ശവംനാറിപുഷ്പങ്ങളും....

ഒരു വെളുത്തപുഷ്പം അത് നിനക്കായി 

കരുതിവെക്കുന്നു ...

കളങ്കപ്പെടാത്ത അഭിസാരികയുടെ 

ഹൃദയമാണ്....

വന്നെടുത്തുകൊൾക നീ....

നീ എനിക്ക് പ്രിയ്യപ്പെട്ടതിൽ ഒന്നല്ല.

നീ എന്റെ സ്വപ്‌നങ്ങൾ മാത്രമാണ് 

നീ എനിക്ക് അന്യമാണ് 

നോവുകളിലും , നൊമ്പരങ്ങളിലും മാത്രം.

എന്റെ പ്രിയപെട്ടവനെ നിനക്കായ് 

കുളിർസ്പർശമുള്ള ചന്ദനമായ്

ഞാൻ മാറും.

കൃഷ്ണസ്നേഹത്തിന്റെ സാഗര-

ങ്ങളിലേക്കു ഞാൻ ലയിക്കും.

നിന്റെ പ്രണയത്തിന്റെ 

പ്രവാഹത്തിൽ ഞാൻ ഒഴുകും.

ഇന്നലെ കൊഴിഞ്ഞ- 

പ്പൂക്കളിൽ ജലം തളിക്കുക.

നിന്റെപ്രണയത്തിന്റെ പുതിയ-

പൂക്കൾ പറിക്കുക.

ആ പൂക്കൾ കൊരുത്തു നവമാല്യം 

തീർത്തു എനിക്കണിയിക്കുക.

രാവുകൾ അപ്രത്യക്ഷ-

മാകുന്നതിനു മുന്നേ നിന്റെ 

കരങ്ങൾ ചുറ്റി എനിക്കുറങ്ങണം...!!