ഇന്നിന്റെ വെയിലെ-

രിഞ്ഞടങ്ങുന്നു ..

സന്ധ്യാകാശത്തിൽ അന്ധകാരം 

ഗ്രസിച്ചിരിക്കുന്നു..

ഒരിറ്റുകണംപോലും ശേഷിക്കാതെ-

യെന്നിലെ പ്രണയം ബാഷ്‌പീകൃതമായി 

മന:സാക്ഷിയിൽ ഓർമ്മകളുടെ ശവ-

സംസ്കാരമാണ് ..

കത്തിയെരിയുന്ന എന്റെ നെഞ്ചിൽ നിന്നും 

പൊട്ടിയൊലിക്കുന്ന ചുവന്ന രക്താ-

ശ്രുക്കൾ ഇന്നിന്റെ പൂക്കളാണ്

ഹൃത്തിലെ വികാരങ്ങൾ വിരേചിച്ചും 

ഓർമ്മകൾ വറ്റിവരണ്ടും ഉണ്ടാകുന്ന 

നിർവികാരശാന്തതയാണ് ഓരോ-

ദലങ്ങളിലും.... വൈഗാ.!!