കാല്‍പ്പാടുകള്‍

എല്ലാം മറന്നെന്നു ചൊല്ലിനീ-

യെന്നെ ഒറ്റയായി മടക്കിയയക്കുമ്പോള്‍ 

ഇനിയും നിന്നില്‍ ശേഷിപ്പതെന്തായിരിക്കാം ..?

അടര്‍ന്നുവീഴുന്ന നിന്റെ കണ്ണുനീര്‍-

തുള്ളികള്‍ മാത്രമോ ..?

മൗനംമുറിയാത്ത നിന്റെ മന്ദഹാസമോ ..?

പ്രണയാക്ഷരങ്ങള്‍ നിന്നില്‍ തീര്‍ന്നു-

വെങ്കിലും , ഒരു ചുംബനം ശേഷിക്കാ-

തിരിക്കുമോ ഇനിയും ...

കാറ്റില്‍ വിറയാര്‍ന്നപ്പൂക്കളെ പോലെ 

ഉത്തരംകിട്ടാതെ നില്‍ക്കുന്നു ഞാനീവഴിയില്‍

ഇനിയൊന്നു കാണാതിരിക്കുവാന്‍ ഇരു-

വഴികളിലായി നാം പിരിഞ്ഞിടുംപോള്‍ 

വിടപറയാനൊരുവാക്ക് തിരയുന്നുന്നു 

ഞാനിപ്പഴും ...

ഋതുഭേദങ്ങള്‍ മാറും , 

സ്മൃതികള്‍ സര്‍പ്പങ്ങളാകും ..

മനസ്സിന്റെ നിലവറക്കൂട്ടങ്ങളില്‍ 

നോവുകളെ പെറ്റിടും...

പിന്നെയും കാലം നടക്കും 

ഓര്‍മ്മകളിലേക്കും ,മറവിയി-

ലേക്കും ,കാല്‍വെച്ച് മറയും ..